सगबगा रहल अछि मैथिली फिल्म जगत - मिथिमीडिया

कलकत्ता. नव वर्ष केर आगमनक पश्चात मैथिली सिनेमाक डेग सेहो बढय लागल अछि. मैथिली सिने प्रेमी लेल बड्ड हर्षक बात अछि जे अगिला दू-तीन मास मे दू-तीनटा मैथिली फ़िल्मक शूटिंग होमय जा रहल अछि. ई फ़िल्म अछि 'घोघमे चांद', 'घटकैती' आ ' संस्कार'.

मैथिली फ़िल्म 'घटकैती' केर शूटिंग अगिला मास सं प्रारंभ होमय जा रहल अछि. उदय बाबू देव प्रोडक्शनक बैनर मे बनय बला फ़िल्म 'घटकैती'क निर्देशक छथि अभिजीत सिंह जे पूर्व मे मैथिलीक एकटा आओर नीक फ़िल्म 'दुलरुआ बाबू'क निर्देशन क' चुकल छथि. सुभाष झा फ़िल्मक कथा, पटकथा आ संवाद लिखने छथि. गीतकार अभिराज झाक लिखल गीत कें सुमधुर संगीत सं सजओता प्रख्यात गायक, संगीतकार ज्ञानेश्वर दूबे. फ़िल्मक प्रोड्यूसर छथि प्रीति झा. मुख्य अभिनेतामे सुपर हिट फ़िल्म 'ससता जिनगी महग सेनुर' फेम ललितेश झा छथि आ अन्य कलाकारक चयन कयल जा रहल अछि. प्राप्त जनतबक अनुसार एहि फ़िल्मक शूटिंग अगिला मास सं दरभंगा, मधुबनी, मधेपुरा, जयनगर मे प्रारंभ होयत. शेष शूटिंग मुम्बइ मे सम्पन्न होयत.

Read More : http://www.mithimedia.com/2013/01/blog-post_2111.html